Around GMA

Article Inside Page

Isa sa pisikal na katangiang tumatak sa mga tao noon kay Sparkle artist Gil Cuerva ay ang pagkakaroon nito ng mahabang buhok.

Sa guest appearance ni Gil sa recent Hangout live ng Sparkle GMA Artist Center, tinanong ang aktor kung mayroon ba siyang plano na magpahaba muli ng buhok.

PHOTO COURTESY: gilcuerva (IG)

“Ako gusto ko talaga, maybe in the future. When you're a guy, siyempre at some point kapag tumanda ka, it's kind of hard to grow it out 'di ba. So while I'm still a relatively young, gusto ko sana magpahaba [ng buhok] because I feel like when I get older, baka hindi na tumubo,” pagbabahagi ni Gil.

Nang tanungin ang Underage actor kung ano ang hindi nito nami-miss sa pagkakaroon ng long hair, ito raw ay ang mabilis na pagbara ng shower drain.

Aniya, “Mabilis mag-clog 'yung shower drain kasi the longer the hair, the more hair falls. So mas mabilis mag-clog 'yung shower drain. But 'yung solution naman diyan is to make sure you have hair treatment and have a bit of scalp treatment as well.”

Ikinuwento rin ng Fil-Spanish actor kung ano ang nami-miss niya sa pagkakaroon ng long hair.

“'Yan 'yung nami-miss ko with long hair. Instead of going to the salon for [a] haircut, I go to the salon para magpa-hair treatment and magpa-scalp treatment. Masarap din 'yung kapag they remove the dry skin sa scalp mo. It makes my scalp feel rejuvenated,” ani Gil.

Kasalukuyang mapapanood si Gil sa coming-of-age series na Underage, Lunes hanggang Biyernes, 4:05 p.m., sa GMA Afternoon Prime at Pinoy Hits - Channel 6 ng GMA Affordabox at GMA Now.

Mapapanood din ang Underage via Kapuso stream at sa official Facebook page at YouTube channel ng GMA Network.

SAMANTALA, SILIPIN ANG MOST ATTRACTIVE LOOKS NI GIL CUERVA SA GALLERY NA ITO.