Heart Evangelista, may exciting na pasabog sa bagong episode ng 'Heart World'

Nagkaroon ang global fashion icon na si Heart Evangelista ng pagkakataon na maki-bonding sa kanyang mga fans sa isang meet and greet. Dito, lubos na nagpapasalamat ang Kapuso sweetheart sa suporta ng kanyang mga fans sa kanyang limited reality series na Heart World.

Nagsample rin ang fashion icon ng kanyang go-to karaoke song na A Whole New World, at nakipagduet sa Sparkle artist at host na si Janeena Chan.

Saad ng Sparkle artist na hindi raw niya inaasahan na magugustuhan ng mga tao ang kanyang mundo. "Siguro naaaliw sila sa kaartehan ko, pero at the end of the day, it's all about getting to know each other."

Dagdag niya, "For them to really get to know who you really are, the good and the bad side is really the goal."

Ibinida rin ni Heart na maraming tanong ang masasagot sa bagong episode nito. Mapag-uusapan raw ang pagkakaibigan, kasal, iba't-ibang problema, at marami pang iba.

“This coming Saturday, it's all about friendship, trust betrayal, and unconditional love.”

Abangan ang bagong episode ng Heart World ngayong Sabado, Nov. 9, 9:30 pm sa GMA at Kapuso Stream.