
Kasalukuyang napapanood ang multitalented actor na si Xian Lim bilang Enzo sa first-ever figure skating series ng bansa, ang Hearts on Ice, na pinagbibidahan din ni Sparkle actress Ashley Ortega.
Sa pagtatapos ng taping para sa nasabing serye, ibinahagi ni Xian sa Instagram ang video compilation ng kanyang ice skating journey, kung saan makikita ang improvement ng aktor sa naturang sport.
“Starting off the tv series, it was clear that I may not have a lot of scenes on the ice but I wanted to immerse myself in the world of skaters. I wanted to push my limits and boundaries to see how far I can learn given the amount of time we have,” sulat niya sa caption.
Patuloy niya, “In the beginning, it was frustrating to balance on the ice with two blades on my feet but as the days and months went by, what felt like an unattainable skill seemed possible by putting in the baby steps needed to improve.”
Labis na nagpasalamat din si Xian sa buong team ng Hearts On Ice dahil sa kanilang puspusang pagtatrabaho para sa proyektong ito. Nagpasalamat din ang aktor sa lahat ng patuloy na sumusuporta sa kanilang programa.
“It's been a fun ride working on this character and I hope to do more out-of-the-box projects like these for you all in the future. Thank you for showering us with all your love and support,” dagdag ni Xian.
Bukod dito, ibinahagi rin ni Xian ang ilang masasayang moments niya kasama ang cast at team ng Hearts On Ice. Grateful din ang aktor sa GMA Network dahil sa oportunidad na ibinigay sa kanya na maging bahagi ng cast ng serye.
Patuloy na subaybayan ang Hearts On Ice, Lunes hanggang Biyernes, 8:50 p.m., sa GMA Telebabad.
Mapapanood din ang programa sa Pinoy Hits, I Heart Movies, GTV (11:30 p.m.), at naka-livestream ito sa GMANetwork.com.
SILIPIN ANG LAST TAPING DAY NG HEARTS ON ICE SA GALLERY NA ITO.