Around GMA

Article Inside Page

Isang malaking blessing para kay Ruiz Gomez ang mapasama sa star-studded cast ng first Filipino figure skating series na Hearts on Ice.

Sa interview ng GMANetwork.com kay Ruiz sa naganap na story conference ng serye, hindi raw makapaniwala ang aktor noong unang sabihin sa kanya na kabilang siya sa cast ng seryeng pagbibidahan nina Ashley Ortega at Xian Lim.

"Hanggang sa may nag-email na nga po from GMA na official na kasama [ako] sa serye," sabi ni Ruiz.

"Actually nagulat po ako nu'ng nakita ko 'yung cast kasi mga bigatin talaga sa industriya and marami rin pong batikan katulad nina Sir Tonton [Gutierrez], Sir Lito [Pimentel]. Sobrang nakakatuwa po, nakakagalak sa puso kasi first soap ko rin siya."

Ayon sa aktor, sumalang siya sa acting workshop at guitar lessons bilang paghahanda sa kanyang karakter sa serye.

"Nag-acting workshop po ako kay Ms. Ana Feleo, tapos mayroon na din po akong iba pang acting workshop before pa bago itong series na ito. And naggi-guitar lesson din ako kasi gitarista rin ako sa serye," pagbabahagi niya.

Bukod kina Ashley at Xian, makakasama rin ni Ruiz sa Hearts on Ice sina Amy Austria, Rita Avila, Tonton Gutierrez, Lito Pimentel, Cheska Iñigo, Kim Perez, Roxie Smith, at Skye Chua.

Abangan ang Hearts on Ice, soon sa GMA.

TINGNAN ANG NAGANAP NA STORY CONFERENCE NG 'HEARTS ON ICE' DITO: