'Of All the Things' nina Regine Velasquez at Aga Muhlach, tampok sa I Heart Movies
Around GMA
Around GMA
Elusive December sun leaves Stockholm in the dark Dawn fire razes 7 houses in Estancia, Iloilo Japanese lifestyle brand unveils limited edition 'Evangelion' merch collectionArticle Inside Page
Showbiz News
Kabilang ang 'Of All the Things' na pinagbidahan nina Regine Velasquez at Aga Muhlach sa mga pelikulang mapapanood sa I Heart Movies ngayong linggo.
Isang bigating romantic comedy ang tampok ngayong linggo sa digital channel na I Heart Movies.
Mapapanood kasi dito ang Of All the Things na pinagbidahan nina Regine Velasquez at Aga Muhlach.
Gumanap si Regine sa pelikula bilang si Berns, isang fixer ng mga papeles. Si Aga naman ay si Umboy, ang notaryo na laging pinupuntahan ni Berns.
Hindi sang-ayon si Umboy sa trabaho ni Berns pero pinagbibigyan niya ito.
May pag-asa bang umusbong ang pag-ibig sa dalawang taong magkasalungat ang ideyolohiya?
Abangan ang Of All the Things, November 11, 8:00 p.m. sa Pinoy Movie Date.
Para naman sa mahilig sa horror comedy, nariyan ang Da Possessed na pinagbidahan naman nina Vhong Navarro at Solenn Heussaff.
Tungkol ito sa landscape artist na si Ramon--karakter ni Vhong--na makakahukay ng libingan ng tatlong sirkero.
Dahil naistorbo ang kanilang himlayan, maghihiganti ang mga ito sa boss ni Ramon, ang makapangyarihang sindikato.
Huwag palampasin ang Da Possessed, November 10, 8:00 p.m. sa Pinoy Movie Date.
Mapapanood ang I Heart Movies sa channel 5 ng digital TV receiver na GMA Affordabox at GMA Now. Available din ito sa iba pang digital television receivers.
