Malapit na at kaabang abang ang bagong GMA Afternoon Prime na Inagaw na Bituin. Ito ay tungkol sa kung paano ang ningning ng mga pangarap na inagaw ay maibabalik sa pagpupunyagi sa buhay. Dito ay magtutuos sa galing sa pag-arte at pagkanta ang dalawa sa pinakamahusay na aktres sa kanilang henerasyon ngayon, sina Kyline Alcantara at Therese Malvar.

Masusubok ang pagsasama nina Eduard (Marvin Agustin) at Belinda (Sunshine Dizon) matapos ma-kidnap ang nag-iisa nilang anak na si Anna (Kyline). Sa pagkawalay ng kanilang totoong anak ay itutuon nila ang kanilang atensyon at pagmamahal sa kanilang pamangkin, ang anak ni Lucy (Angelika dela Cruz) na si Ariela (Therese). Samantala, lalaki si Anna bilang si Elsa sa piling ni Aurora (Angelu de Leon).

Nang dahil sa musika, magkukrus ang landas ng kanilang mga pamilya. Kaninong bituin sa pagitan nina Anna at Ariela ang mas magniningning? Kaya pa kayang mabawi ang ipinagkait  na alaala at inagaw na pangarap? Abangan ang lahat ng iyan sa Inagaw na Bituin.