Around GMA

Article Inside Page

Interesting ang love story ng EXpecial couple na sina Allen at John na bida sa hit segment ng It's Showtime ngayong Martes, June 25.

Nakapanayam nina Vice Ganda, Jhong Hilario, Kim Chiu at Vhong Navarro ang dalawa sa 'EXpecially For You' kung saan natapos ang relasyon ng dalawa sa lihim na itinago ng searchee na si Allen.

Dito binalikan ni Allen ang good moments nila ni John. Kuwento niya, “Nung naging kami dun ko na-feel na ito pala 'yung love, kalmado. Hindi ka nag-o-overthink, walang anxiety. Alam mo 'yung kusa mo na lang mare-realize, magkakaroon ka ng self-awareness na kailangan ko tanggalin tong mga toxic traits na 'to from the past.

“For example, 'yung mga simpleng selos, sa kaniya wala ako ganun, sobrang secured. Basta nung naging kami sobrang secured ko, sobrang kalmado lang. Fast forward umabot kami ng eight months may inamin ako sa kaniya about my past.”

Pagpapatuloy ni Allen, “Knowing him umpisa pa lang ng relationship namin, inestablish na niya sa akin hindi siya mahigpit, but meron siyang kaisa-isang bagay na sinabi niya sa akin na 'pag nagawa mo 'to sa akin, sobrang mawawasak siya, which is 'yung pagsisinungaling or paglilihim.

“So nung eight months na kami napunta ako dun sa point na gusto ko na aminin sa kaniya yun, kasi mahilig kami mag-deep talks e, ang dami namin napaguusapan.

“After nung paguusap namin na 'yun di, bumalik siya sa paglalaro ng ML (Mobile Legend). Tapos nakikita ko siya, basta good mood siya nun, masaya. Tapos bigla na lang parang may boses sa isip ko at the back of my mind na parang nakikita mo 'yan, parang ang saya niya, nakangiti siya. Pero hindi niya alam na meron kang tinatago, may something”

Bukas loob na ikinuwento ng Expecially For You searchee ang lihim na itinago niya kay John.

Lahad niya, “Hindi naman siya involved dun bago pa nangyari dun… Nagkaroon kami ng relationship ng friend nung ex ko, so di ba sa lalaki may tinatawag na bro code na pagka kaibigan. Although, wala naman siya dun sa picture.

“Nagkaroon lang siya ng conflict kasi nung kami na, March or April may pinaalam ako sa kaniya na may pupuntahan ako na parang mini reunion ganun. So, hindi niya alam na 'yung pupuntahan ko dun is may nagkaroon ng something sa amin dati.

“So nagpunta ako ng mini reunion na 'yun kasi ikakasal na siya. Tapos nung ikakasal na 'yun si ex, hindi niya alam na.. di ba inamin ko na sa kaniya tapos nung pagka-amin ko sa kaniya dun niya na-recall na, ah so nung time na nagpaalam ka pala sa akin andun yun!

“So dun parang na-amplify dahil dun kasi nung umpisa pa lang may chance na ako sabihin 'di ba? 'Tapos umabot pa ng eight months ganun. So, technically naglihim ako sa kaniya at nagsinungaling,” pag-amin ni Allen.

Sumunod na nagpaliwanag si John na maaaring may mga tao na hindi makaintindi ng point of view niya.

“A lot of people will not understand, akala nila mababaw. Akala nila shallow 'yung mismong rason ni Allen. But kasi after ko makipagbreak, it's the same reason kung bakit ako nakipag-break dun sa long-term girlfriend ko, tapos sa kaniya, same thing na naglihim siya.”

Dito sumunod na niyang ibinahagi na may kakayahan siya na makita sa mata kung may tinatago ang kinakausap niya.

“I have this, I think it's a gift, 'pag tumitingin ako sa mata ng isang tao, it's almost likely na I can read the eyes.”

Paliwang niya sa Its Showtime hosts, “Hindi ko naman siya sinasabi na 100% accurate, but it was never wrong… Sobrang lakas niya na ganun, kasi to prove that nung bago pa lang kami nung nag-uusap pa lang kami. Nag-ask ako sa kaniya ng picture ng mata niya [pertaining to Allen] lang. And sinabi ko sa kaniya kung ano nababasa ko and it was really accurate.”

Bagay na pinatotohanan naman ni Allen nang sabihin niya na, “Nagulat ako na tama.”

RELATED CONTENT: Artistahing guests sa 'EXpecially for You' ng 'It's Showtime'