Around GMA

Article Inside Page

Tila walang makakapigil sa tuwa at saya na hatid ng pinakabagong segment ng biggest variety noontime show na It's Showtime na “KalokaLike Face 4.”

Nito lamang nagdaang linggo ay patuloy ang dagsa ng pinakamagagaling na Pinoy impersonators, kabilang na si Sherwin Altagracia, ang tinaguriang Stephen Curry ng Bohol, o mas kilala sa tawag na “Stepping Curry.”

Hindi lamang sa It's Showtime stage pumatok ang panggagaya nito sa basketbolista dahil instant hit din si Stepping Curry sa mga international basketball fans.

Noong Sabado, bumida ang “KalokaLike Face 4” contestant sa social media account ng NBA Memes.

Pinost nito ang mga kuha mula sa nakakatuwang performance ni “Stephen Curry” at tila “nag-iba” na raw ang sikat na basketbolista.

“Steph Curry hasn't been the same since Klay [Thompson] left [Golden State Warriors,” saad ng NBA Memes.

Dagdag pa nito, “What's going on in Golden State?”

Game namang nakipagkulitan at sumagot si Stepping Curry sa comments section at sinabing, “Eyyy! [...] [N]ice, I hope I see the [o]riginal Stephen Curry.”

“[I hope my] [d]ream [c]omes true soon,” pakilala pa nito, “I'm from [the] Philippines.”

Bukod kay Stephen Curry ng Bohol ay pinusuan din ng mga netizens ang marami pang mga contestants ng “KalokaLike Face 4” tulad na lamang ni BINI Maloi ng Iligan City.

Hirit pa ng netizens, tila nag-sideline daw ang girl group member sa It's Showtime stage.

PANOORIN ANG ALIW NA PERFORMANCE NI STEPPING CURRY SA VIDEO NA ITO: