Around GMA

Article Inside Page

Bumisita at nakisaya ang Filipino singers na sina James Reid at TJ Monterde sa noontime variety show na It's Showtime nitong Martes (June 17).

Hinarana nina James at TJ ang mga manonood nang awitin ang kanilang first music collaboration na pinamagatang “Pahinga.” Matapos ito, tinanong ng actress-host na si Kim Chiu ang guest celebrities kung paano nagsimula ang kanilang music collab.

“Actually after I made this song, si TJ lang talaga 'yung inisip ko for this collab and thank God he said yes because it sounded so good on the track. Bagay talaga sa kanya,” ani James.

Ikinuwento rin ni James kung tungkol saan ang kanilang kanta ni TJ. Aniya, “It's about being in a relationship and not giving up on love. Sometimes, times get hard but you just sometimes need a breather, a little bit of pahinga, just to remember how much you love them.”

Tinanong din si TJ tungkol sa kanyang reaksyon nang malaman ang music collaboration nila ni James.

“Siyempre James Reid 'yan, hindi ako aayaw do'n sa song na pinakinggan ko. Tapos sabi ko, it's a song na I feel like parang sinulat ko rin, parang gano'n 'yung pakiramdam, parang naririnig ko 'yung sarili ko sa kanta. I couldn't say no. So ayun, ni-record namin, pumunta ako sa studio niya.

“Nakapagaling na producer, I have to give it to James Reid. So kung ano 'yung naririnig n'yo don sa song, James Reid na James Reid talaga 'yon,” kuwento niya.

Subaybayan ang It's Showtime tuwing Lunes hanggang Sabado, 12 noon, sa GMA at Kapuso Stream.