Dennis Trillo, tinuruan ng isang imam sa tamang paraan ng pagdadasal
Around GMA
Around GMA
Legendary fashion designer Valentino Garavani passes away Lalaki patay sang gintiro sang gwardiya nga iya ginbuno sa Barotac Nuevo | One Western Visayas Philippine flag carrier celebrates 85th anniversary with new aircraftArticle Inside Page
Showbiz News
Isang imam ang nagturo kay Dennis Trillo ng tamang paraan ng pagdadasal bago sumabak sa isang eksena sa 'Legal Wives.'
Tinuruan ng isang imam si Kapuso Drama King Dennis Trillo ng tamang paraan ng pagdadasal ng mga Mranaw bago siya sumabak sa isang eksena ng cultural drama series na Legal Wives.
Sa isang behind-the-scenes video, makikitang idini-demonstrate ng imam na si Mohammad Macadato Miphantao kay Dennis ang mga kilos at ang pagkakasunod-sunod ng mga kilos ng Salatun Nikah, isang dasal na ginagamit sa mga kasal.
Ang eksenang pinaghahandaan nila ay ang kasal ng karakter ni Dennis na si Ismael sa una niyang asawang si Amirah, na gagampanan ni Alice Dixson.
Ang Legal Wives ay ang kauna-unahang cultural drama na maglalahad ng buhay at pag-ibig ng mga Mranaw.
Tungkol ito sa kakaibang pamilya kung saan pakakasalan ng isang lalaking Mranaw ang tatlong magkakaibang babae para sa iba't ibang dahilan.
Para mapanatiling culturally sensitive ang serye, may iba't ibang consultant sa set tulad ng imam at Mranaw dialect coach.
Bukod kina Dennis at Alice, bahagi din ng serye sina Andrea Torres at Bianca Umali.
Huwag palampasin ang world premiere ng Legal Wives, malapit na sa GMA Telebabad!
Tingnan ang magandang location ng Legal Wives sa gallery na ito:
