Tapatan nina Maricel Laxa at Glenda Garcia, umani ng papuri sa mga manonood ng 'Lilet Matias, Attorney-At-Law'
Around GMA
Around GMA
Stray bullet hits house in Lapu-Lapu City Saudi-backed head of Yemen's presidential council tells UAE to leave More than a dress: How Aika Robredo's wedding gown honored her late fatherArticle Inside Page
Showbiz News
Umani ng papuri sa netizens at wagi sa ratings sa telebisyon ang naging tapatan nina Meredith (Maricel Laxa-Pangilinan) at Ces (Glenda Garcia) sa 'Lilet Matias, Attorney-At-Law.'
Sa GMA Afternoon Prime series na Lilet Matias, Attorney-At-Law, nagharap na ang dalawang ina ni Lilet (Jo Berry) na sina Ces (Glenda Garcia) at Meredith (Maricel Laxa-Pangilinan).
Matapos sabihin ni Ramir (Bobby Andrews) kay Meredith na siya ang tunay na ina, tinangka niyang sabihin agad ito kay Lilet pero dahil kare-resign niya lang sa trabaho, napangunahan ng galit si Lilet bago niya marinig ang sasabihin ni Meredith.
Dahil dito, dumiretso na si Meredith kay Ces, ang kinikilalang ina at nagpalaki kay Lilet, upang direktang tanungin kung siya ang tunay na ina nito.
Dahil sa matinding eksenang ito, pinuri sina Mariciel at Glenda ng netizens at sinabing ganyan ang "acting showtime" sa pagitan ng dalawang beteranang aktres.
Bukod sa magagandang reaksyon online, tinutukan rin ito ng mga manonood sa telebisyon. Ayon sa NUTAM People Ratings, nakakuha ng 10.5 percent ang Lilet Matias, Attorney-At-Law.
Ano kaya ang mangyayari ngayong alam na ni Meredith na siya ang tunay na ina ni Lilet? Papayag kaya si Ces na ipa-DNA ang mag-ina para malaman nila pare-pareho ang totoo?
Alamin ang sagot sa Lilet Matias, Attorney-At-Law, ang unang legal serye sa Pilipinas, Lunes hanggang Biyernes, 3:20 p.m. sa GMA Afternoon Prime at Kapuso Stream.
