Around GMA

Article Inside Page

Masaya raw ang Kapuso actor na si Rocco Nacino sa kaniyang recent guest apperance sa hit Afternoon Prime series na Lilet Matias: Attorney-at-Law. Sa katunayan, nabitin siya dahil mabilis lang lumabas ang kaniyang karakter na si Samson Guerrero.

Sa panayam ng GMANetwork.com kay Rocco sa nagdaang contract signing niya sa Zeus Combat League nitong September 11, ibinahagi ng aktor ang kahilingan niya tungkol sa afternoon serye.

“I wish, bilang pamangkin naman ako ng mommy-mommyhan ni Lilet (Jo Berry) du'n, baka naman pwedeng bumalik si Samson Guerrero kasi marami pa siyang pinagdadaanan e,” sabi ni Rocco.

“Anyways, kidding aside, the experience was fun. Isa ata 'yun na masasabi kong pinaka-light na production set na napuntahan ko. Everyone was so happy, magaan, magaan 'yung feels, pero 'yung case namin medyo mabigat."

Ayon kay Rocco ay naramadaman nila ng mga kapwa guest stars ang pagmamahal mula sa iba pang cast ng serye, dahilan para magawa nila ng maayos ang mabibigat nilang eksena.

“They were always clapping so nakakatuwa na makaramdam ng love from the show. Kaya sabi ko, 'Nabitin naman ako, saglit lang si Samson.' Sana makabalik,” sabi ni Rocco.

Gumanap si Rocco bilang si Samson Guerrero, isang closeted gay na napangasawa ni Feliz, na ginanapan naman ni Winwyn Marquez. Dahil hindi sila magkaanak ay nag-hire sila ng baby maker, si Aila Ocampo, na ginanapan ni Lianne Valentin.

BALIKAN ANG MGA AKTOR NA GUMANAP SA LGBTQIA+ ROLES SA GALLERY NA ITO:

Ginampanan naman ni Kristoffer Martin ang role ni Genesis, ang kapatid ni Aila at ang nakarelasyon ni Samson sa serye.

Aminado si Rocco na “very complex” ang ginampanan niyang karakter, lalo na at kailangan hindi niya maipakita na gay si Samson. Dahil madalas ay leading man roles ang ginagampanan ng aktor, sinabi niyang malaking pagsubok ang pagganap sa role ni Samson.

“When they offered me to guest, sabi ko, kailangan ginagawa namin, bilang artista, kailangan we come out of our comfort zones, we think outside of the box. That is what makes us actors, taking on something we're not familiar with and masasabi kong nag-enjoy ako,” sabi niya.

Sa isang online exclusive video, sinabi ni Rocco na ito ang unang pagkakataon na nakatrabaho niya si Kristoffer. Ngunit komento niya sa working dynamics nila ng Kapuso actor at singer, “Mahirap, mahirap.”

Paliwanag ni Rocco, “We really needed the guidance of Direk Aloy [Adlawan] because we were laughing, magkaibigan kasi kami e, and then first time namin magkatrabaho tapos ganito pa so there was a lot of laughing talaga.”

“Awkward at first, pero it was very enlightening to learn from someone as good as Kristoffer,” sabi ng aktor.