Around GMA

Article Inside Page

Malapit nang mapanood sa GMA ang inaabangang TV adaptation ng hit Wattpad novel na Love at First Read na pinagbibidahan ng isa sa hottest love teams ngayon na sina Mavy Legaspi at Kyline Alcantara.

Ang nasabing series ay ang second installment ng Luv Is series na collaboration project ng GMA at ng Wattpad Webtoon Studios.

Sa exclusive interview ng GMANetwork.com sa dalawang lead stars na sina Mavy at Kyline, sinabi ng dalawa na hindi nila bibiguin ang fans ng nasabing novel dahil talagang pinaghandaan at pinagaralan nila ang kanilang mga karakter para sa serye.

Kuwento ni Kyline, “Dahil galing nga po ito sa isang Wattpad story, kinausap ko talaga 'yung author which is si Chixnita para mas makilala ko pa 'yung character and we read the book together, kaming dalawa ni Mav.”

Dagdag naman ni Mavy, “Nagbasa rin ako ng libro para familiar na rin ako sa characters namin kahit wala pa 'yung script, at least we know na the story, ako, bilang Kudos and Kyline as Angelica. We took a lot of time to really get to know our characters, we gave each other ideas, base sa mga chapter na nabasa namin sa libro.”

“We gave our respect also to the author, Chixnita for how she created the character, Kudos, and Angelica, we don't want to upset her and of course the millions of fans of 'Love at First Read',” saad pa ng aktor.

Mapapanood din sa nasabing series ang mga bago at mga batikang aktor sa industriya kabilang ang iba pang Sparkle stars na sina Therese Malvar, Marco Masa, Pam Prinster, Mariel Pamintuan at Kapuso young heartthrobs na sina Bruce Roeland, Larkin Castor, Josh Ford, TikTok stars na sina Gabby at Kiel Gueco o mas kilala bilang Gueco Twins, at ang seasoned actors na sina Jestoni Alarcon, Jackie Lou Blanco, at Maricar de Mesa.

SAMANTALA, SILIPIN ANG SWEETEST PHOTOS NINA MAVY LEGASPI AT KYLINE ALCANTARA SA GALLERY NA ITO: