Around GMA

Article Inside Page

The real 'bardagulan' begins sa pinag-uusapang drama sa hapon na Magandang Dilag.

Sa hype plug ng GMA Telebabad series ngayong linggo, titindi ang galit ni Blaire (Maxine Medina) kay Greta (Herlene Budol), o Gigi sa totoong buhay, matapos umurong sa kasal ang fiance niyang si Jared (Rob Gomez) para iligtas si Greta mula sa nasusunog na studio.

Nang masagip ni Jared si Greta, aaminin na niya ang tunay na nararamdaman niya para sa dalaga.

Gagantihan ni Blaire si Greta at manggugulo sa engagement party nina Jared at Greta, na mapapanood din ngayong linggo sa Magandang Dilag.

Mababaligtad ang mundo nina Greta at Jared dahil ang lalaki naman ang maghahabol sa dalaga.

Pursigido si Greta na mapaikot ang lalaking minahal niya noon para gantihan ito sa ginawa nitong panloloko noon.

Samantala, hindi lang sina Greta at Blaire ang magkakabangga kundi rin sina Jared at Atty. Eric na noon pa concerned kay Gigi.

Makuha na kaya ni Gigi ang inaasam na hustisya ngayong nagkakagulo na ang Elite Squad?

Subaybayan 'yan sa Magandang Dilag Lunes hanggang Biyernes, 3:20 ng hapon sa GMA at Pinoy Hits.

Maaari rin itong mapanood online kasabay ng pag-ere sa TV via Kapuso Stream.

Available naman ang full episodes at episodic highlights ng Magandang Dilag sa GMANetwork.com at sa iba pang GMA-owned and operated online platforms.

NARITO ANG IBA PANG CAST MEMBERS NG MAGANDANG DILAG: