Herlene Budol, Riel Lomadilla, at Rob Gomez, besties in real life
Around GMA
Around GMA
Hussein Loraña, Naomi Marjorie Cesar rule athletics' 800m events at 2025 SEA Games Baste Duterte slams opening of unfinished road project Heart Evangelista is cool and chic in baggy pantsArticle Inside Page
Showbiz News
From enemies to besties, alamin ang totoong relationship ng 'Magandang Dilag' stars dito.
Pagdating sa GMA Afternoon Primes series na Magandang Dilag, kaaway ang tingin nina Herlene Budol at Riel Lomadilla kay Rob Gomez. Pero kabaligtaran daw nito ang relasyon ng tatlong aktor sa totoong buhay.
Sa interview ng GMA Regional TV morning show na At Home with GMA Regional TV noong September 29, sinabi ni Riel na barkada ang turingan nila nina Herlene at Rob, at ganun din sa iba nilang co-actors.
"Best friend ko siya (Herlene), best friend ko siya (Rob), si Angela Alarcon, si Maxine (Medina), Ate Bianca (Manalo), sila Ben (Alvez), talagang close ko silang lahat,” kuwento nito.
Nang sabihin sa kaniya na trabaho lang ang lahat, pabirong tugon ni Riel, “Hindi, actually, plastikan lang 'to e."
Samantala, tinanong din si Herlene kung ano ang pinagkaiba nila ng karakter niyang si Gigi/Greta at ang sagot ng aktres, “Hindi po ako marunong gumanti.”
Paliwanag niya, “'Yun 'yung totoo kasi parang hahayaan ko lang 'pag merong gumawa sa akin ng masama, wala akong pakialam, basta bahala ka na sa buhay mo, kanya-kanya tayo, hindi 'yung para gumanti na.”
Dagdag pa ng beauty queen, kung sa serye ay puro paghihiganti at may gustong patunayan ang karakter niya, hindi niya ugali ang gumanti sa iba sa totoong buhay.
SAMANTALA, TINGNAN ANG DINALUHAN NA MALL SHOW NINA RIEL, HERLENE AT ROB SA GALLERY NA ITO:
Samantala, ikinuwento rin ni Rob kung paano niya nasu-sustain ang karakter niya bilang si Jared.
“Siguro kasi may certain na kagustuhan 'yung direktor namin, kailangan ipakita ko 'yung side na kaka-inisan talaga ng lahat, pero at the same time, kailangan rin ipakita na poproteksyunan ko si Gigi, si Herlene, sa dulo,” sabi nito.
At nang tanungin ang mga bida kung ano pa ang dapat abangan sa Magandang Dilag, ang sagot ni Riel, “Naku, siyempre po marami pa pong umaatikabo at nagbabagang pangyayari sa buhay ni Gigi.”
“Kailangan abangan ng mga Kapuso natin ung makakamit ba niya talaga 'yung hustisya para sa kanila ni ninang Luisa, or magwawagi ba ang kasamaan,” sabi nito.
Ayon pa kay Riel, dapat ding abangan kung sino kina Attorney Sungit Benjamion Alves at Jared the Prnce Charming ang makakatuluyan ni Gigi.
