Magandang Dilag: Greta V, inamin na siya si Gigi Robles!
Photo Inside Page
Photos
Isang matinding rebelasyon ang napanood sa sinusubaybayang drama sa hapon na Magandang Dilag.
Sa episode ng GMA Afternoon Prime series ngayong Miyerkules, October 4, sa mismong araw ng kasal nila ni Jared (Rob Gomez) inamin ni Greta V (Herlene Budol) ang pinakatago-tago niyang sikreto.
Complete attendance ang Elite Squad kaya naman naghanda si Greta V para sa kaniyang big reveal.
Nanggigigil na inamin ni Greta na siya si Gigi habang nasa altar sa harap ng kanilang guests.
Tinanggal niya ang kaniyang puting wedding dress para ipakita ang kaniyang pulang damit bilang simbolo ng kaniyang paghihiganti.
Pinamukha ni Gigi ang mga kasalanan na ginawa sa kaniya at sa kaniyang inang si Luisa (Sandy Andolong) nina Blaire, Riley, Allison, Magnus, at Jared matapos siyang lokohin ng mga ito para makapanghuthot ng pera sa kaniya.
Nakakuha naman ng kakampi Gigi sa pamilya ng iba pang mga nabiktima ng Elite Squad para makuha ang hustisya matapos maltratuhin ang mga ito ng mapagsamantalang grupo.
Umiyak na lang ang groom na si Jared sa rebelasyon ni Gigi habang nakokonsensiya sa mga ginawa nila noon dito.
Tingnan ang ilang eksena sa October 4 episode ng Magandang Dilag sa gallery na ito.
