BarDa photos sa 'Maging Sino Ka Man' storycon, kinakiligan!
Photo Inside Page
Photos
Muli na namang nag-viral sa social media sina Barbie Forteza at David Licauco nang maglabasan ang mga bago nilang kilig photos mula sa story conference ng kanilang bagong serye na Maging Sino Ka Man na ginanap noong Huwebes, July 5, sa GMA Network Studio Annex.
Ito ang sumunod na proyekto nila matapos ang hit primetime series na Maria Clara at Ibarra, kung saan nakilala sila bilang FiLay.
Bahagi ni Barbie sa exclusive interview ng GMANetwork.com, "We're super excited and super thankful to GMA dahil 'di talaga kami pinabayaan right after the success of Maria Clara at Ibarra and FiLay. And surprisingly, naging sunod-sunod na 'yung mga naging blessings namin ni David and David and I are just so thankful and so happy sa lahat ng mga nangyayari sa 'min ngayon.
"And now that Maging Sino Ka Man is about to start, alam mo si David bugbog na rin sa training and acting workshops so talagang we're both very excited and dedicated to work everyday."
Ayon kay Barbie, asahan daw na bibigyan nila ni David ng BarDa touch ang kanilang roles sa TV adaptation ng iconic film na Maging SIno Ka Man, na orihinal na pinagbidahan nina Sharon Cuneta at Robin Padilla.
"I've seen the original film, I've read the pilot script and medyo babaguhin lang namin onti in terms of execution and how we pull it off and a little bit do'n sa character ko bilang singer ang ating Megastar at ako ay isang pretty girl lamang, medyo ite-tweak natin ang character para mas swak sa amin ni David," ani Barbie.
Kung sa historical portal series ay pumasok sa mundo ng Noli Me Tangere at El Filibusterismo si Klay (Barbie) kung saan niya nakilala niya si Fidel (David), gagampanan naman nina Barbie at David ang modern version ng Maging Sino Ka Man characters na sina Monique at Carding.
Tingnan ang ilang larawan nina Barbie at David sa story conference ng Maging Sino Ka Man.
