IN PHOTOS: Babae, magkakaroon ng love life dahil sa tabo sa '#MPK'
Photo Inside Page
Photos
Light pero may kurot sa puso ang upcoming fresh at brand new episode ng real life drama anthology na #MPK o Magpakailanman.
Pamaskong handog ng #MPK ang "May Forever sa Tabo: The Jolo and Rain Argales Story."
Kuwento ito ni Rain, isang babaeng mababa ang self-confidence. Imbis na maghanap ng love life, ibinuhos niya ang kanyang oras sa pagtatrabaho para sa kanyang pamilya.
Dahil isang call center agent, kinailangan niyang mag-Pasko nang malayo sa mga ito. Pero tila may regalo pa rin sa kanya ang tadhana.
Makikilala niya kasi ang kanyang guwapong kapitbahay na si Jolo nang manghiram siya ng tabo dito.
Magiging malapit ang loob nila sa isa't isa simula noong Paskong iyon. Kalaunan, magsasama na rin sa iisang bubong sina Jolo at Rain.
Masusubukan ang relasyon ng dalawa dahil tutol ang nanay ni Rain na si Magdalena kay Jolo. Palagay kasi ni Magdalena, lolokohin lang ng guwapong lalaki ang anak.
Masisira kaya ang kanilang pagsasama?
Tunghayan 'yan sa brand new episode at Christmas special na "May Forever sa Tabo: The Jolo and Rain Argales Story," ngayong Sabado, December 18, 8:15 pm sa '#MPK.'
Silipin ang ilang eksena mula sa episode sa gallery na ito:
