Buhay ng komedyanteng si Alex Calleja, tampok sa 'Magpakailanman'
Photo Inside Page
Photos
Mapapanood ang talambuhay ng stand-up comedian na si Alex Calleja sa bagong episode ng real-life drama anthology na Magpakailanman.
Pinamagatang "Sa Tamang Panahon: The Alex Calleja Story," ipapakita dito ang naging buhay ni Alex bago niya nakamit ang tagumpay.
Sa murang edad, inabandona ng tatay ni Alex ang kanilang pamilya.
Lumaki siya kasama ang nanay na lulong sa sugal.
Kahit sa container van lang nakatira, at kadalasan ay palipat-lipat pa, nagsikap si Alex na pumasok sa iba't ibang trabaho para mabuhay ang kanyang pamilya.
Paano magagamit ni Alex ang husay niya sa comedy para baguhin ang kanyang buhay?
Abangan ang brand-new episode na "Sa Tamang Panahon: The Alex Calleja Story," May 3, 8:15 p.m. sa Magpakailanman.
Naka-livestream din nang sabay ang episode sa Kapuso Stream.
Samantala, silipin ang ilang eksena ng episode sa gallery na ito:
