Around GMA

Article Inside Page

Isa na namang kakaibang kuwento ang mapapanood ngayong Sabado, January 26, sa Magpakailanman. Pagbibidahan nina Gelli de Belen, Will Ashley, Lucho Ayala at Sofia Pablo ang episode na pinamagatang 'Arrest My Son's Rapist.'

Will Ashley at Sofia Pablo

Sa pamamagitan ng text message sa GMANetwork.com, ikinuwento ng dalawang young Kapuso stars ang naging karanasan nila sa paggawa ng naturang episode.

"Challenging po kasi ang role, first time na experience pero sa tingin ko kaya ko po gampanan. Medyo nahirapan ako pero okay lang po para ma-improve ko ang craft ko, at maiparamdam at maiarte ko ang pinagdaanan ng tunay na nangyari," saad ni Will nang tanungin kung ano ang nagpapayag sa kanya na tanggapin ang role ni Cris, isang binatilyong minolestya ng kanyang gurong bading.

Dagdag pa niya, "Gay related story po ito, sanay naman po ako makisama at makipagkaibigan sa mga gay. Pati mama ko po magaan ang loob sa mga member ng LGBT."

Si Sofia naman, napasabak sa kanyang first onscreen kiss sa episode na ito.

Aniya, "More on kinabahan po kasi first time ko po gagawin 'to and tiwala naman ako kasi parang tatay ko na ang director namin na si Direk Neal [del Rosario] na talagang na-guide ako. Kinabahan din si Mommy pero may tiwala din po siya sa team ng Magpakailanman at kay Will."

Abangan ang Magpakailanman ngayong Sabado, January 26, pagkatapos ng Daddy's Gurl.