Around GMA

Article Inside Page

Malapit nang magbalik sa ating mga telebisyon ang Filipino-Chinese series na Mano Po Legacy sa pangatlong installment nito na pinamagatang "The Flower Sisters."

Ayon sa series creator na si award-winning director and writer Jose "Joey" Javier Reyes, konektado pa rin ito sa mga naunang installments ng serye na "The Family Fortune" at "Her Big Boss."

"Gumawa kami ng universe ng 'Mano Po.' In other words, may mga character sa 'Mano Po 3' who are crossovers from 'Mano Po 1' and 'Mano Po 2.' We created this whole Chinese-Filipino universe which constitutes the 'Mano Po' series. This adds a certain degree of continuity in the story of trying to capture the traditions of the Chinoys," pahayag ni direk Joey.

Una nang inanunsiyo ang apat na lead stars nitong sina Aiko Melendez, Thea Tolentino, Angel Guardian at Beauty Gonzalez na gaganap bilang Chua sisters.

"It's about four sisters who are named after flowers. They come from the same father but they have different mothers," paliwanag ni direk Joey sa bagong kuwento ng serye.

Bukod sa buhay ng apat na magkakapatid na may magkakaibang ambisyon, pangarap at paniniwala, dapat din daw abangan ang backstory ng kanilang mga magulang. Paglilinaw ni direk Joey na hindi ito ituturing na flashback at bibigyan ito ng parehong halaga ng kuwento na nangyayari sa kasalukuyan.

"There are two parallel stories happening. May one story which is happening in the present while at the same time--hindi flashback--may separate thread showing what happened in the past. Where the past will end, that is also where the present also ends. We see that what happened in the past has a cause and effect on what's happening in the present," bahagi niya.

Paraan daw ito para mabigyan ng bagong flavor ang isang traditional family drama at inspired ang ideyang ito sa isang iconic at well-loved Hollywood film.

"Na-inspire ako, kung napanood niyo 'yung 'Godfather II,' 'di ba usually ang mga kuwento back story, and then present story. Paglaruan natin ang timeline this time. Kasabay ng present story, nangyayari ang backstory so there are two levels of reality taking place," aniya.

"Pinalitan namin 'yung structure para naman may maiba sa ating ginagawa na teleserye," dagdag pa niya.

Dahil ganito ang istruktura ng kuwento, sadyang malaki at star-studded ang cast nito.

Makakasama nina Aiko, Thea, Angel at Beauty sa serye sina Paul Salas, Mikee Quintos, Tanya Garcia, Marcus Madrigal, Rafael Rosell, JC Tiuseco, Isabel Rivas, Johnny Revilla, Yvette Sanchez, Sophia Senoron, Sandro Muhlach, Bodjie Pascua, Miggs Cuaderno, Will Ashley, Sue Prado, Larkin Castor, Kimson Tan, Reins Mika, Shecko Apostol, Gertrud Hahn, Carlo San Juan at Adrienne Vergara.

Ayon sa produksiyon ng "The Flower Sisters," may madaragdag pa sa cast na ito.

Abangan ang pamumulaklak ng kuwento ng Chua sisters sa Mano Po Legacy: The Flower Sisters, soon on GMA Telebabad.