Julie Anne San Jose, napahanga ang Spanish language coach ng 'Maria Clara at Ibarra'
Around GMA
Around GMA
NBA: Pascal Siakam's 36-10 double-double powers Pacers past Bulls Lea Salonga, Rachelle Ann Go part of 'Les Misérables' in Manila #WilmaPH remains almost stationary over waters of E. SamarArticle Inside Page
Showbiz News
Napahanga ni Julie Anne San Jose ang Spanish language coach ng 'Maria Clara at Ibarra' dahil sa kanyang "musicality."
Isa na namang papuri ang natanggap ni Asia's Limitless Star Julie Anne San Jose sa kanyang pagganap bilang Maria Clara sa upcoming historical portal fantasy series na Maria Clara at Ibarra.
Matatandaang pinuri ng show concept creator at creative consultant na si Suzette Doctolero si Julie Anne dahil sa mahusay na audition tape nito.
Napaiyak kasi ng singer-actress ang buong creative team ng programa kaya unanimous ang naging desisyon para mapili siya sa role ni Maria Clara.
Ngayon naman, pinahanga ni Julie Anne ang on set Spanish language coach ng Maria Clara at Ibarra na si Roven Alejandro.
Isa kasi si Julie Anne sa pinakamabilis ang pick up sa lenguwahe.
"Noong nagkaroon kami ng online Spanish classes, Id' like to highlight particularly si Doña Julie Anne San Jose. Mabilis! Sabi ko nga, wow, this is amazing," lahad ni Roven sa exclusive interview ng GMANetwork.com.
Sa tingin daw niya, malaking bahagi ang pagiging isang singer ni Julie Anne sa bilis na pag-absorbe niya ng Spanish.
"Doon ko rin ulit napagtanto at nakita 'yung music. Kasi learning a foreign language is not just learning a language in itself but rather learning a foreign sound. It's the musicality. Kaya si Ms. Julie bilang singer, hindi lang niya inaaral 'yung language in itself. Inaaral niya 'yung tunog, the rising and the falling intonation kaya malaking tulong 'yun," paliwanag ni Roven.
Bukod kay Julie Anne, kapuri-puri rin daw ang buong cast ng show dahil naging bukas silang matuto ng isang foreign language.
"To begin with, lahat sila ay may kakanayan, nagpakita ng ability and interest na mag-aral ng Spanish as much as they can," kuwento ni Roven.
"Very enthusiastic lahat, nagpapakita ng enthusiasm na mag-aral. I am very happy with the performance. I'm so happy with the delivery," dagdag pa niya.
Abangan si Julie Anne San Jose bilang Maria Clara sa world premiere ng Maria Clara at Ibarra ngayong October 3, 8:00 p.m. sa GMA Telebabad.
SILIPIN DIN ANG EXCLUSIVE BEHIND-THE-SCENES PHOTOS MULA SA MARIA CLARA AT IBARRA RITO:
