Miguel Tanfelix, Kokoy de Santos, Bruce Roeland, Raheel Bhyria, Antonio Vinzon, and other stars in 'Mga Batang Riles' mediacon
Photo Inside Page
Photos
Humarap na sa mga miyembro ng press ang mga bida sa inaabangang GMA Prime drama-action series na 'Mga Batang Riles' sa pangunguna nina Miguel Tanfelix, Kokoy de Santos, Bruce Roeland, Raheel Bhyria, at Antonio Vinzon.
Sa media conference na ginanap kahapon, December 20, ipinakita ng 'Mga Batang Riles' kung paano ang buhay sa Sitio Liwanag.
Dito rin sinabi ni Miguel kung ano ang pinagkaiba ng Mga Batang Riles sa mga nakaraan niyang proyekto na ma-aksyon rin.
Saad ni Miguel, "Ito talaga 'yung hardcore action kasi dati, kunwari Voltes V, mas maraming aksyon pa 'yung robot kaysa sa amin. Ito 'yung hardcore action na every taping day, hindi pwedeng walang action. Hindi pwedeng walang stunts.
"Pahirapan talaga, physically tiring po 'yung bawat araw namin. 'Yun 'yung nagpapa-excite sa aming 'Mga Batang Riles,' sa lahat ng cast kasi meron kang nilo-look forward every taping day na, 'Ano kayang stunts ang gagawin namin ngayon?'"
Bukod sa pagiging hardcore action, heavy drama rin ang Mga Batang Riles ayon kay Miguel.
"Bukod sa heavy action 'to, heavy drama din 'to. Kaya siya nagiging action kasi mga lalaki, laging nagreresort sa physical, 'di ba? 'Pag overwhelming emotions. Hardcore action, pinaka-hardcore sa lahat [ng shows ko], so far."
Kilalanin ang iba pang mga bituin ng Mga Batang Riles sa mga larawang ito.
