Marami ang naantig sa eksena sa GMA Prime drama-action series na Mga Batang Riles noong Martes, June 3, kung saan inamin na ni Rendon (Jay Manalo) kay Kidlat (Miguel Tanfelix) na siya ang tunay na ama nito.

Simula nang magkaroon ng sunog sa Sitio Liwanag, masama na ang loob ni Kidlat at ng Mga Batang Riles kay Rendon. Hindi rin nakatulong na sila ang pinagbintangang nagpasimula ng sunog na naging dahilan kung bakit sila ipinasok sa juvenile detention center sa loob ng ilang taon.

Sa loob ng detention center, pinahirapan din ni Rendon ang Mga Batang Riles sa pamamagitan ng tao niyang si Argus (Ian Ignacio).

Sa paglabas ng Mga Batang Riles, hindi pa rin natapos ang paghahanap nila ng hustisya laban kay Rendon at sa pamilya niya.

Kung ikaw si Kidlat, matatanggap mo pa ba si Rendon bilang tatay mo matapos ang kanyang mga ginawa?