Meet the cast of 'My Fantastic Pag-ibig: Exchange of Hearts'
Photo Inside Page
Photos
Mapapanood na ang “Exchange of Hearts,” ang second installment ng romance fantasy anthology na 'My Fantastic Pag-ibig' ngayong Sabado, February 13.
Tampok sa two-part weekly series na ito ang Kapuso stars na sina Migo Adecer at Kate Valdez. Kasama rin sa cast sina Maureen Larrazabal, Jordan Herrera, Kevin Sagra, at Karenina Haniel.
Ang “Exchange of Hearts” ay tungkol sa couple na sina Popoy at Celine na nasa bingit na ng paghihiwalay dahil marami na silang hindi napagkakasunduan.
Gagampanan ni Migo ang karakter ni Popoy, isang photographer at "stop and smell the roses" kind of guy, habang si Kate naman ang gaganap sa role ni Celine, isang workaholic at career-oriented woman.
Sa serye, desidido na si Celine na makipag-break kay Popoy pero gusto ni Popoy bigyan ng isa pang pagkakataon ang kanilang relasyon kaya niyaya niyang magbakasyon si Celine bilang selebrasyon na rin ng kanilang fourth anniversary.
Sa kanilang bakasyon ay nakilala nila ang isang “plantita” na isa pa lang witch. Ang hindi nila alam, magical tea pala ang ipinainom nito sa kanila dahilan para maipit sila sa isang hindi inaasahang sitwasyon. Makatulong kaya ito para maisalba ang kanilang relasyon o maging dahilan lang ito para sila ay tuluyang maghiwalay?
Samantala, kilalanin ang iba pang cast ng serye sa gallery na ito:
