IN PHOTOS: Behind-the-scenes of 'My Fantastic Pag-ibig: Trophy Girl'
Photo Inside Page
Photos
Bibida sa ikalimang installment ng romance-fantasy anthology na 'My Fantastic Pag-ibig' na “Trophy Girl” ang Kapuso stars na sina Jak Roberto, Arra San Agustin, at Ashley Ortega.
Ang “Trophy Girl ay tungkol sa buhay pag-ibig ni Baste, isang struggling sculptor na nasa moving on stage matapos siyang iwan ng girlfriend for seven years niyang si Cassie.
Para ilayo ang atensyon sa sakit na dulot ng breakup, itinuon ni Baste ang kanyang oras sa kanyang sining, ang paglililok o sculpture.
Ang obra niya ay isang tropeo na anyong babae. Dahil gandang-ganda siya sa nilikha, pinangalanan niya itong Mariquit.
Dala na rin ng pighating nararamdaman, hiniling ni Baste na sana magkabuhay ang obra niya at maging katuwang sa buhay.
Hindi akalain ni Baste na didinggin ang kanyang hiling nang makitang mabigyan ng buhay si Mariquit.
May mabubuo bang pagtitinginan sa dalawa? Paano kung biglang magbalik si Cassie? Sino ang pipiliin ni Baste?
Huwag palampasin ang “Trophy Girl” ngayong Sabado, March 27, 7:45 p.m., sa GTV!
Samantala, bago panoorin ang pilot episode, narito ang ilang behind-the-scenes photos na kuha mula sa taping ng mini-series.
