Eksena nina Max Collins at Caitlyn Stave sa 'My Guardian Alien,' kinaaliwan ng netizens
Around GMA
Around GMA
Bicam panel talks on 2026 budget to continue on Monday, Dec. 15 Visually impaired soldier promoted from captain to major Farm to Table: (December 14, 2025) LIVEArticle Inside Page
Showbiz News
Nasa 10 million views na sa Facebook ang intense na eksena nina Kapuso stars Max Collins at Caitlyn Stave sa 'My Guardian Alien.'
Patok sa netizens ang eksena nina Kapuso stars Max Collins at Caitlyn Stave sa recent episode ng My Guardian Alien.
Binibigyang-buhay ni Max ang role bilang si Venus habang si Caitlyn naman ay gumaganap bilang ang nakababatang kapatid ni Venus na si Halley.
Sa Facebook post ng GMA Network, makikita ang clip ng eksena nina Venus at Halley sa 9th episode ng programa, kung saan nagkaroon sila ng matinding sagutan dahil nais bumalik ng huli sa Maynila.
Tinawag naman ni Halley si Manong Ben para ihatid siya pabalik ng Maynila ngunit hindi pumayag dito si Venus. Dahil dito, sinabi ni Halley na magko-commute na lamang siya at humingi ng pamasahe sa kanyang nakatatandang kapatid ngunit hindi siya binigyan nito.
Kinaaliwan ng netizens ang eksena ng dalawang Kapuso stars, lalo na ang linya ni Caitlyn tungkol sa paghingi ng pamasahe.
Bukod dito, nasa 10 million views na ang naturang video clip sa Facebook page ng GMA Network.
Subaybayan ang My Guardian Alien tuwing Lunes hanggang Biyernes, 8:50 p.m., sa GMA Prime. Mapapanood din ito sa Pinoy Hits at Kapuso Stream.
Mayroon ding delayed telecast ang programa sa oras na 10:30 p.m. sa GTV.
