'Prinsesa Ng City Jail' pilot episode, nakapagtala ng 7.2% ratings
Around GMA
Around GMA
LIVE - Bureau of Customs dialogue and delivery rollout of abandoned balikbayan boxes (Dec. 18, 2025) | GMA Integrated News 4th leg ng Noel Bazaar nasa Filinvest Tent sa Alabang, mula Dec.19-21, 2025 | 24 Oras Concerns raised over damage to flood control project in Surigao del NorteArticle Inside Page
Showbiz News
Unang episode pa lang ng 'Prinsesa Ng City Jail' pero nakapagtala agad ito ng 7.2% ratings!
Unang episode pa lang ng pinakabagong family-drama ng GMA Afternoon Prime na Prinsesa Ng City Jail pero tinutukan agad ito ng mga tao, hindi lang online kung hindi pati sa telebisyon.
Ayon sa NUTAM People Ratings, nakapagtala ng 7.2% ratings ang pilot episode ng Prinsesa Ng City Jail, 'di hamak na mas malaki sa katapat nitong programa na nakakuha lamang ng 0.3%.
Kapana-panabik ang mga tagpo sa unang episode ng Prinsesa Ng City Jail dahil ipinakita agad rito ang pangungulila ni Princess sa kanyang ina nang magbigay siya ng talumpati sa kanyang high school graduation.
Dito rin sinabi kung bakit nagka-away ang dating magkaibigan na sina Sharlene (Beauty Gonzalez) at Divina (Denise Laurel) na pareho ngayong nakakulong.
Patuloy na samahan si Princess sa pagbibigay niya ng liwanag sa mundo ng mga bilanggo sa Prinsesa Ng City Jail, Lunes hanggang Biyernes, 3:20 p.m. sa GMA Afternoon Prime at Kapuso Stream.
RELATED CONTENT: 'Prinsesa ng City Jail' holds media conference: All you need to know
