Alden Richards, Sanya Lopez, ibinida ang mga palabang eksena sa 'Pulang Araw'
Around GMA
Around GMA
OFW recalls experience saving child and old woman from HK residential fire Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Mas palaban na raw ang mga eksena sa 'Pulang Araw,' ayon kina Alden Richards at Sanya Lopez.
Damang-dama na ang giyera sa GMA Prime wartime family drama series na Pulang Araw.
Ayon kay Asia's Multimedia Star Alden Richards, mas makikita na raw ang mga palabang eksena sa serye.
Gumaganap siya rito bilang Eduardo, isang Pilipino na naging guerilla fighter sa panahon ng pananakop ng mga Hapon.
"Ako 'yung unang naging palaban sa totoo lang, ako ang kuya. Si Hiroshi (David Licauco), si Teresita (Sanya Lopez), saka si Adelina (Barbie Forteza), gumagawa na rin sila ng mga sarili nilang paraan para makalaban sa mga Hapon. Marami pa, exciting times ahead for Pulang Araw," lahad ni Alden.
"Medyo pabigat na nang pabigat 'yung mga eksenang napapanood. Hindi na papaawat 'yung Japanese Imperial Army," dagdag pa ng aktor.
Marami naman daw nagtatanong kay First Lady of Primetime Sanya Lopez tungkol sa kapalaran ng kanyang karakter na si Teresita, isang bodabil performer na magiging comfort woman.
Kasama ang iba pang comfort women, susubukan niyang tumakas mula sa garrison.
"Actually 'yun nga ang bungad sa akin. 'Makakatakas ka ba?'" kuwento ni Sanya.
Dapat daw tumutok sa serye dahil hindi pa rito nagtatapos ang mga eksenang emosyonal at maaksiyon.
"Abangan ninyo, kasi once na nakatakas naman siya, ano naman kaya ang mangyayari, 'di ba?" ani Sanya.
Patuloy na panoorin ang lalong lumalalim na kuwento ng Pulang Araw, Lunes hanggang Biyernes, 8:00 p.m. sa GMA Prime.
Maaari rin itong panoorin online sa Kapuso Stream.
Panoorin din ang same-day replay sa GTV, 9:40 p.m.
Panoorin ang buong ulat ni Nelson Canlas para sa 24 Oras sa video:
