Around GMA

Article Inside Page

"Sobrang saya, super gaan sa set, at walang bad vibes," ganito inilarawan ni Kapuso teen actress Sofia Pablo ang set ng upcoming sea fantaseries na GMA Network at Regal Entertainment na Raya Sirena.

Nasa Morong, Bataan kasi sina Sofia at ang kanyang co-stars na sina Allen Ansay, Saviour Ramos at Elias Point para sa taping ng nasabing serye.

Kahit tinatawag nila itong "workation," o work na may kasamang vacation, aminado sina Sofia at Saviour na nahirapan sila sa pagsusuot ng buntot. Mermaid at merman kasi ang mga karakter nina Sofia at Saviour na sina Raya at Ape.

Saad ni Sofia, "Medyo mahirap siya pero kung marunong ka po talagang lumangoy, masasanay ka rin. Challenging kapag medyo malalim na, lalo na 'pag walang nakaalalay kasi may tail ka so may chance ka lumubog."

Sa Raya Sirena, tatlong lalaki ang mag-aagawan kay Raya - ang tao na si Gavin (Allen Ansay), ang merman na si Ape at ang pinsan ni Gavin na si Otep (Elias Point).

Ani Allen, "Siyempre, si Gavin lagi siyang nandyan kay Raya. Anumang problema niya, hindi siya mawawala."

Saad ni Saviour, "Si Ape naman po is, una magiging guide ni Raya sa dagat, and basta nasa dagat siya, ako ang bahala."

Pagtatapos ni Elias, "Si Otep naman, he sees Raya as a little bit of a challenge kaya naintriga siya and we'll see how that works out."

Mapapanood and pilot episode ng Raya Sirena mamayang 3:05 p.m. sa GMA.

Samantala, kilalanin ang makakasama nilang tatlo sa pinakabagong sea fantaseries ng GMA Network at Regal Entertainment dito: