Althea Ablan at Prince Carlos, magtatambal sa 'Regal Studio Presents: A Shot at Love'
Around GMA
Around GMA
NAPC seeks bigger workforce to roll out 2026 programs Lake Holon to close temporarily starting January 3, 2026 Farm to Table: (December 28, 2025) LIVEArticle Inside Page
Showbiz News
Magtatambal ang young Kapuso stars na sina Althea Ablan at Prince Carlos sa 'Regal Studio Presents: A Shot at Love.'
Isang refreshing na tambalan ang mapapanood sa bagong episode ng weekend anthology series na Regal Studio Presents ngayong Linggo.
Bibida kasi sina young Kapuso stars Althea Ablan at Prince Carlos sa cute and sporty episode na "A Shot at Love."
Gaganap si Althea bilang Shaira, dalagang insecure sa kanyang panlabas na anyo dahil na rin sa burn marks sa kanyang katawan.
Si Prince naman ay si Anton, isang guwapo at talented na basketball player na never pang nagkaroon ng girlfriend.
Magkakakilala sila sa isang review center at kahit sa umpisa ay mailap si Shaira kay Anton, unti-unting magiging close dahil sa pagpupursigi ng binata.
Pero may malalaman si Shaira tungkol kay Anton na babago ng lahat. Ano nga ba talaga ang intensiyon ni Anton kay Shaira?
Abangan 'yan sa brand new episode na "A Shot at Love," May 28, 4:15 p.m. sa Regal Studio Presents.
Tunghayan ang simulcast nito sa GMA at GTV o kaya ang livestream nito sa GMANetwork.com/KapusoStream.
SILIPIN ANG ILANG EKSENA NG EPISODE SA GALLERY NA ITO:
