Mga sawi sa pag-ibig, magba-bonding sa camping trip sa 'Regal Studio Presents: Rebound or Restart'
Photo Inside Page
Photos
Para sa mga heartbroken ang bagong episode ng weekend anthology series na 'Regal Studio Presents.'
Sa episode na pinamagatang "Rebound or Restart," dalawang taong kagagaling lang sa kani-kanilang breakups ang magkikita sa isang campsite.
Recently single si Hazel at sasabak siya sa isang solo camping trip para malimutan ang kanyang heartbreak.
Madadatnan niya roon si Jake, isa ring camper na tutulong sa kanya na mag-set up ng tent.
Malalaman ni Hazel na tulad niya, heartbroken din si Jake at nagpunta sa campsite para matulungan ang sariling mag-move on.
Magkakaroon ng instant connection ang dalawa pero sa pagtatapos ng kanilang camping trip, sabay na muling magpaparamdam ang kanilang mga ex.
Oras na ba para mag-move on sina Hazel at Jake o dapat ba nilang bigyan ng second chance ang kanilang mga significant others?
Abangan ang brand new episode na "Rebound or Restart," June 11, 4:15 p.m. sa 'Regal Studio Presents.'
Tunghayan ang simulcast nito sa GMA at GTV o kaya ang livestream nito sa GMANetwork.com/KapusoStream.
Samantala, silipin ang ilang eksena ng episode sa gallery na ito:
