Mommy and daddy, switch roles muna para kay baby sa 'Regal Studio Presents: Time Out'
Photo Inside Page
Photos
Siguradong makaka-relate ang young parents sa bagong episode ng weekend anthology series na 'Regal Studio Presents.'
Pinamagatang "Time Out," tungkol ito sa dalawang young professionals na magbabago ang buhay sa pagdating ng kanilang first baby.
Maganda ang takbo ng career ng young married couple na sina Gels at Gelo. Pero pagdating ng kanilang first baby, pipiliin ni Gels na maging isang stay-at-home mom.
Magiging busy naman sa trabaho ni Gelo bilang breadwinner ng kanilang munting pamilya.
Sa sobrang abala sa trabaho, makakalimutan ni Gelo ang anniversary nila ni Gels. Para bumawi sa asawa, magbo-volunteer siyang manatili sa bahay para mag-alaga kay baby.
Susubukan ni Gelo na pagsabayin ang patatrabaho at pag-aalaga sa kanilang baby. Makayanan kaya niya ito?
Abangan ang brand new episode na "Time Out," August 6, 4:15 p.m. sa 'Regal Studio Presents.'
Tunghayan ang simulcast nito sa GMA at GTV o kaya ang livestream nito sa GMANetwork.com/KapusoStream.
Samantala, silipin ang ilang eksena ng episode sa gallery na ito:
