Tatlong pasaway, magtatrabaho sa ukay-ukay sa 'Regal Studio Presents: Mannequin Love'
Photo Inside Page
Photos
Tayo na sa ukay-ukay sa bagong episode ng weekend anthology series na 'Regal Studio Presents.'
Sa episode na "Mannequin Love," magtatrabaho sina Gus (Antonio Vinzon), Daryl (Aidan Veneracion), at Jay (John Clifford) sa isang ukay-ukay bilang parusa ng kanilang mga magulang sa pagiging pasaway.
Bilin sa kanila ng may-ari ng ukay-ukay na huwag gagalawin si Mimi (Mika Reins), ang mannequin na siya ring lucky charm ng tindahan.
Pero ikagugulat ni Gus nang bigla siyang kindatan ni Mimi! Nang ikuwento niya ito kina Daryl at Jay, hindi maniniwala ang mga ito sa kaibigan.
Ano nga ba ang misteryong bumabalot sa mannequin na si Mimi?
Abangan ang brand new episode na "Mannequin Love," January 7, 4:15 p.m. sa 'Regal Studio Presents.'
Naka-livestream din nang sabay ang episode sa GMANetwork.com/KapusoStream.
Samantala, silipin ang ilang eksena ng episode sa gallery na ito:
