Around GMA

Article Inside Page

Patuloy ang taping ni Megan Young para sa hit murder mystery series na Royal Blood kasama ang asawang si Mikael Daez at iba pang cast ng serye.

Sa Instagram, ipinakita ng beauty queen-actress ang ilang "happy days" photos niya sa set ng Royal Blood.

View this post on Instagram

A post shared by Megan Young (@meganbata)

Sulat niya, "Nakakapagod din magalit palagi katulad ng character ko na si Diana. All of our roles are 'Royal High Blood' kaya mabuti na lang at good vibes lang kami behind the camera to balance out our heavy and galit-galitan scenes."

Sa Royal Blood, napapanood si Megan bilang Diana, ex-girlfriend ni Napoy (Dingdong Dantes) na nagpakasal sa mas mayamang half-brother ng huli na si Kristoff Royales, na ginagampanan naman ni Mikael.

Sa isang press interview, ikinuwento ni Megan na sa kabila ng mabibigat na mga eksena nila sa Royal Blood ay mas nangingibabaw ang saya sa set.

"I think rather than hardest it's fun kasi like we don't think of it as a difficult scene. Syempre kapag all stars cast it becomes 'difficult' in the sense na we have to constantly do the scenes over and over again so that we get the shots that we need for that particular scene.

"But, honestly kapag magkakasama kami it's really a circus kasi we have so much fun with each other off set and when we're in our characters it becomes even more fun kasi we're in the food, we're in the zone, we just become different people so it's pretty fun actually when we are on the set."

Ibinahagi rin ni Megan na looking forward din ang cast sa mga susunod pang mangyayari sa Royal Blood.

"Actually even for us, there's always something for us to look forward to as actors because it feels like once we read the script, we got the scenes biglang may darating na mas explosive na storyline na pwedeng mangyari.

"Like, even for us today medyo nagulat din kami sa mga nabasa namin for the weeks to come. But, for what is going to be airing for the next week or so... I guess marami kasing magtuturuan dito sa mga next few episodes natin, mas maraming tarayan na mangyayari.

"Let's see where alliance stand within the Royales family because akala mo magkakampi kung sinuman biglang mag-aaway naman sila."

Patuloy na subaybayan si Megan bilang Diana sa Royal Blood, Lunes hanggang Biyernes, 8:50 p.m. sa GMA Telebabad.

Mapapanood din ang Royal Blood sa Pinoy Hits, I Heart Movies, GTV (10:50 p.m.), at naka-livestream din sa Kapuso Stream.