Around GMA

Article Inside Page

Ngayong matatapos na this weekend ang Season 2 ng phenomenal reality-game show na Running Man Philippines, ibinahagi ni Glaiza De Castro a.k.a Boss G ang realization sa impact ng kanilang show sa viewers at fans.

Special guest sina Glaiza De Castro at Buboy Villar sa Kapuso ArtisTambayan (KAT) nitong Biyernes, September 6 at dito sinabi niya na kailangan nilang mga Runners na pangalagaan ang imahe ng programa bilang isang 'family friendly' na show.

Paliwanag ni Boss G sa KAT, “Kahit na natutuwa kami na nakakagawa kami ng mga missions at nakakapagpasaya kami ng tao.

“May responsibilities din kami na maging disiplinado 'di ba? Maging aware kami sa mga ginagawa rin namin. Kasi may mga bata kaming audience 'di ba?"

Dagdag ng Sparkle actress, “Family kasi din 'yung nanonood sa amin. So as much as possible gusto din namin talagang i-keep 'yung good values ng show.”

Samantala, ibinahagi naman ni Buboy Villar sa host na si Maey Bautista na dahil maraming physical challenges sa Running Man Philippines tulad ng Nametag Ripping, hindi raw talaga maiiwasan ang minor injuries.

Lahad niya, “Hindi naman po maiiwasan 'yung mga minor injuries lalo na kapag biglaan, nagkakitaan kami ni Boss G o nagkakitaan kami nila Kokoy. Andun 'yung parang siyempre guard muna dapat 'yung nametag mo. Hindi mo puwede ipakuha 'yan.

“Siyempre may possibility talaga na matamaan, pero at the end siyempre nandun pa rin naman 'yung nagso-sorryhan.”

Balikan ang full interview kina Glaiza at Buboy sa Kapuso ArtisTambayan sa video below!

Puwede rin kayo bumoto mga Pinoy Runners, kung sino sa tingin n'yo ang magiging Ultimate Runner for season two. I-check ang online poll below!