Around GMA

Article Inside Page

Nagkaroon ng father and daughter bonding sina Cassy at Zoren Legaspi sa isang shooting range.

Sa episode ng Sarap, 'Di Ba? Bahay Edition, sinabing matagal na itong hinihiling ni Cassy sa kaniyang tatay na si Zoren. Nitong April 10, ipinakita ang naging experience ni Cassy nang dalhin siya ni Zoren sa isang shooting range sa Marikina.

Saad ni Zoren, "It's her first time to shoot here in Marikina."

Dugtong pa niya na importanteng matutunan ni Cassy ang mga basics bago siya tuluyang sumabak sa shooting range.

Photo source: Sarap, 'Di Ba? Bahay Edition

"Tinuturuan si Cassy ng mga basic. Safety muna kung paano kinakasa 'yung baril, kung paano tinitingnan na dapat walang bala, 'yung daliri kung nasaan. 'Yan po napakaimportante po niyan bago siya magsimula ng firing."

Pagkatapos ng firing ay kinumusta ni Zoren ang kaniyang anak. Saad ni Cassy, may kaba man sa umpisa ay naging maganda naman ang kaniyang experience.

"Medyo na-tense ako pero after a few rounds na-relax relax na ako.

"Siyempre kasi you're holding a gun so you have to be careful palagi."

Si Zoren ay nagpakita rin ng kaniyang kaalaman dahil nakasubok na rin siya ng firing.

Kuwento niya, "May experience na ako but siyempre kapag matagal ka na hindi pumuputok, medyo 'yung pulso mo kumbaga makalawang. Baka mas magaling pa nga si Cassy sa akin e."

Bago magtapos ang video ay nagpasalamat si Cassy sa kaniyang tatay dahil sa oras na inilaan nito para sa kaniya.

"This is our father and daughter bonding. Thank you!"

"Thank you also to tatay kasi he woke up early for me then he drove me here. So I am so happy."

Isang lesson na may hugot naman ang natutunan ni Cassy sa kanilang weekend activity na ikinagulat ni Zoren.

"It's not a toy. Hindi siya laruan kagaya ng puso ko."

Panoorin ang father and daughter bonding nina Zoren at Cassy sa video.

Silipin naman ang Batangas rest house ng Legaspi family sa gallery na ito: