Inihahandog ng GMA ang kauna-unahang Philippine adaptation ng K-drama series sa GMA Afternoon Prime, ang Shining Inheritance. 

Ang kuwento ng naturang serye ay iikot sa tatlong pamilya–ang Villarazon, De La Costa, at Abrigo– at kung sino ang karapat-dapat na maging tagapagmana ng kumpanya ni Aurea De La Costa (Coney Reyes).

Ang Shining Inheritance ay pagbibidahan nina Kyline Alcantara at Kate Valdez, Paul Salas, Michael Sager at Ms. Coney Reyes.

May special participation sa naturang serye ang batikang aktor na si Ariel Rivera. 

Kabilang din sa stellar cast ng Shining Inheritance sina Wendell Ramos, Glydel Mercado, Aubrey Miles, Roxie Smith, Gio Alvarez, Dave Bornea, Jamir Zabarte, Seth Dela Cruz, at Charuth.

Ang Shining Inheritance ay handog ng GMA Entertainment Group sa pangunguna nina Senior Vice President for Entertainment Group Lilybeth G. Rasonable, Vice President for Drama Cheryl Ching-Sy, Assistant Vice President for Drama Ali Nokom-Dedicatoria, Program Manager Anthony Pastorpide, at Executive Producer Nieva S. Magpayo.

Ang Philippine adaptation ng Shining Inheritance ay mula sa direksyon ni Jorron Monroy.