'Sunday PinaSaya's' Lenten special, nagpaantig sa puso ng mga netizens

Ngayong Linggo, March 25, ay inihandog ng Sunday PinaSaya ang nakakaantig na kuwento ng isang ama at ng kanyang limang anak para sa kanilang Lenten special.

Ang Madramarama Lenten Special na Limang Puso ni Ama ay tungkol sa kuwento ng amang si Emman na ginampanan ni Jose Manalo at ng kanyang mga anak na ginampaman nina Alden Richards, Ruru Madrid, Andre Paras, Miguel Tanfelix at Kim Last. Dito ipinakita ni Emman ang kanyang mga naging pagsubok sa pagpapalaki ng mga anak.

Ilang netizens naman ang humanga sa kanilang napanood lalo na't live ang pagtatanghal na kanilang ginawa sa Sunday noontime show. Binigyan pansin nila ang husay ng mga Kapuso stars pagdating sa drama.

Naging trending rin ang #SPSLentenSpecial sa social media.