The Seed of Love: Eileen at Alexa, muling nagkaharap matapos ang pitong taon
Photo Inside Page
Photos
Sa ika-12 linggo ng The Seed of Love, nagkita nang muli ang mortal na magkaaway na sina Eileen (Glaiza De Castro) at Alexa (Valerie Concepcion) matapos ang mahabang panahon.
Pitong taon na ang nakakalipas nang umalis si Alexa kasama ang dating asawa ni Eileen na si Bobby (Mike Tan) at anak nilang si Thirdy (Ethan Harriot) upang tumira sa Amerika.
Nasaktan man si Eileen, tuloy pa rin ang buhay sa kanya at naging successful photographer sa loob ng pitong taon habang wala sina Bobby, Alexa, at Thirdy.
Sa hindi inaasahang pagkakataon, makikilala ni Eileen si Thirdy sa kasal kung saan siya ang kinuhang photographer. Wala mang ideya si Eileen kung sino si Thirdy, magaan ang loob niya rito.
Balikan ang nangyari sa ika-12 linggo ng The Seed of Love sa mga larawang ito.
