Around GMA

Article Inside Page

Isang impromptu performance sa The Voice Generations ang ipinamalas ng superstar coaches na sina Julie Anne San Jose at Chito Miranda nang awitin nila ang iconic rap song na “Bagsakan.”

Sa episode ng programa nitong Linggo, November 12, inawit ni Chito ang isa sa mga sikat na awitin ng kanyang bandang Parokya Ni Edgar na “Halaga.”

Matapos ito, humirit ng isa pang performance ang studio audience, na sinuportahan naman ng host na si Dingdong Dantes.

“Coach baka naman puwedeng maka-request, isang bagsakan naman diyan,” ani Dingdong.

Pumayag naman si Chito at tinawag ang kanyang kapwa coach na si Julie.

“Katuwaan lang, katuwaan,” sabi ni Chito kay Julie.

Game naman na umakyat ng stage si Julie. Aniya, “Hala kinakabahan ako hindi ko kabisado.”

Kahit walang practice o rehearsal, binanatan agad ni Chito ang kanta.

“At ang huling bagsakan, si Julie ang babanat,” pagkanta ni Chito.

Dito ay kinasa ni Julie ang kanyang rapping skills sa rap part verse ni Gloc-9.

RELATED GALLERY: Meet the four coaches of 'The Voice Generations'

Tumutok naman sa mas tumitinding labanan ng talents sa The Voice Generations tuwing Linggo, 7:20 p.m. bago ang KMJS. Maaari ring panoorin ang delayed teleacast 10:45 p.m. sa GTV.

Para sa mga Pinoy abroad, maaari ring mapanood ang The Voice Generations sa GMA Pinoy TV.

Para sa iba pang updates, magtungo sa www.GMANetwork.com.