Ruru Madrid, mas humanga kay Bianca Umali dahil sa 'The Write One'
Around GMA
Around GMA
Michael Jordan tells court he 'wasn't afraid' of NASCAR Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Mas humanga pa si Ruru Madrid kay Bianca Umali matapos itong makatrabaho sa 'The Write One.'
Unang on-screen tambalan ng real-life Kapuso couple na sina Ruru Madrid at Bianca Umali ang romance drama with a touch of fantasy na The Write One.
Dahil unang beses nilang magtambal sa isang serye, may mga bagay pa raw na natutuklasan si Ruru tungkol sa kanyang nobya.
"Siguro ang pinakanatutunan ko working with bianca, 'yung work ethic niya. Alam ko sa sarli ko kung gaano ako ka passionate when it comes to my craft, pero mayroon pa palang tao na mas hihigit pa doon sa passion na 'yun," pahayag ni Ruru sa media conference at pilot screening the The Write One.
Dahil din daw dito, mas lalo pa siyang humanga kay Bianca.
"Nakita ko kung gaano niya kamahal 'yung ginagawa niya. Siya 'yung tipong tao na 'pag kunwari, konti lang 'yung gagawin niyang eksena sa isang araw, parang hindi siya satisfied sa ginawa niya. Gusto niya talagang mama-maximize 'yung talent niya, 'yung ginawa niya," kuwento ni Ruru.
Nagsisilbi rin daw na inspirasyon si Bianca hindi lang sa kanya kundi sa karamihan ng nakakatrabao nila sa The Write One.
"For us na katrabaho niya, lahat kami nai-inspire sa ginagawa niya. 'Yun nga 'yung sinasabi ko kay Bianca na parang nagse-set siya ng example para sa aming lahat para pagbutihan pa lalo 'yung ginawa nmamin," lahad ng aktor.
Ngayong gabi, March 23, makikita na ang bagong mundo ng karakter ni Ruru na si Liam. Bunga ito ng isinulat niyang "revised" na kuwento ng kanyang buhay gamit ang isang magical typewriter.
Sa bagong buhay na ito, tila nasa kanya na ang lahat--marangyang buhay, mga magulang, at magandang takbo ng career.
Pero batid niyang may kulang dahil wala rito ang asawa niyang si Joyce, ang karakter ni Bianca, pati na ang anak nila.
Mahahanap pa ba ni Liam ang kanyang pamilya?
Patuloy na tutukan ang The Write One, Monday to Thursday, 9:35 p.m. sa GMA, I Heart Movies at Pinoy Hits. May same-day replay rin ito sa GTV, 11:25 p.m. Maaari ring mag-stream ng advanced episodes nito, anytime, anywhere sa www.viu.com.
SAMANTALA, SILIPIN ANG MEDIA CONFERENCE AT PILOT SCREENING NG THE WRITE ONE RITO:
