Around GMA

Article Inside Page

Napakaraming manonood at fans ang hindi na makapaghintay sa nalalapit na pagpapalabas ng drama series na Unbreak My Heart.

Mula nang sunud-sunod na inilabas ang teaser videos para sa serye, naging usap-usapan na sa social media ang ilang ipinasilip na eksena ng lead stars.

Kabilang na rito ang kissing scene nina Joshua Garcia at Jodi Sta. Maria.

Pero bukod daw sa nabanggit, isa rin sa mga dapat abangan sa serye ay ang kitchen scene nina Joshua at Kapuso actress na si Gabbi Garcia.

Sa media conference na ginanap kahapon, May 25, 2023, nagpahapyaw sina Joshua at Gabbi tungkol sa naturang eksena.

Pahayag ni Gabbi, “Abangan n'yo na lang 'yung kitchen scene… Hindi ko alam kung may nakapanood na rito… sa celebrity screening [watch party], basta hindi ko rin siya… kasi nakatakip lang 'yung mata ko the whole time. So, baka 'yun ang kailangan nilang abangan.”

Sa media conference, nabanggit din ni Joshua ang tungkol sa kitchen scene nila ni Gabbi ngunit hindi niya itinutuloy ang pagkukwento at sinundan na lang niya ito ng pagtawa.

Bago ito, ibinahagi ni Joshua na para sa kanya ay sobrang giving at professional ni Gabbi pagdating sa kanilang mga eksena.

Samantala, bukod kina Joshua at Gabbi, mapapanood din bilang lead stars sa palabas sina Richard Yap at Jodi Sta. Maria.

Abangan ang kanilang mga karakter sa Unbreak My Heart, ipapalabas sa GMA Telebabad, Pinoy Hits, at I Heart Movies, 9:35 p.m., at sa GTV naman ay sa oras na 11:25 p.m.

Para naman sa advance streaming, maaari itong mapanood sa May 27, 2023, 9:00 p.m. sa GMANetwork.com via Kapuso Stream, iWantTFC, at Viu.

SILIPIN ANG ILANG LARAWAN NG UNBREAK MY HEART STARS MULA SA KANILANG ITALY TAPING SA GALLERY SA IBABA: