Around GMA

Article Inside Page

Maraming netizens ang muling napahanga ni Barbie Forteza sa ipinamalas nitong galing sa pag-arte sa fresh episodes ng GMA Primetime series na Anak ni Biday vs Anak ni Waray.

Maalala noong Lunes, February 23, natuklasan na ni Ginalyn na ama niya si Joaquin Escoto na ginagampanan ni Jay Manalo, matapos niyang marinig ang diskusyon ng kanyang ina (Snooky Serna) at ninang.

Panoorin ang eksenang ito:

Sa kanyang Twitter account, nag-react si Barbie sa nasabing eksena at ikinuwento pa ang komento ng Anak ni Waray vs Anak ni Biday director na si Mark dela Cruz.

Ani ng Kapuso actress, “Pagkatapos ng eksenang 'to, sabi sa akin ni Direk Mark [dela Cruz], 'Namiss mo umarte noh?'

“BWAHAHAHAHAHA!!! 'Yung ramdam na ramdam ko 'yung eksena kasi Amy rin ang pangalan ng nanay ko in real life!"

Dagdag pa n'ya, “Pero kung sinagot ko siya ng ganito, for sure, konyat ang aabutin ko. Hahaha!”

Pagkatapos ng eksenang to, sabi sakin ni Direk Mark, “Namiss mo umarte noh?”

BWAHAHAHAHAHAHA!!!! Yung ramdam na ramdam ko yung eksena kasi Amy din ang pangalan ng nanay ko in real life! Pero kung sinagot ko siya ng ganto, for sure konyat ang aabutin ko hahahaha! https://t.co/b6BU8g0xuP

-- Barbie Forteza (@dealwithBARBIE) February 24, 2021

Sa parehong tweet, kinomendahan din ng akrtres na si Tina Paner ang kanyang former Inday Will Always Love You co-star sa angking galing nito sa pag-arte.

Sulat ni Tina, “Ang galing mo d'yan sa eksena @dealwithBarbie…. Magaling ka naman talaga.”

You're welcome, magaling ka naman talaga

-- @tinapaner71 (@tinapaner71) February 24, 2021

Mapapanood ang Anak ni Waray vs Anak ni Biday mula Lunes hanggang Biyernes pagkatapos ng 24 Oras.

Samantala, tingnan ang mga intense scenes na dapat abangan sa GMA Primetime soap sa gallery na ito: