SNEAK PEEK: Inside the lock-in taping of 'Widows' Web'
Photo Inside Page
Photos
Mapapanood na tuwing weekdays ang kauna-unahang suspenserye ng GMA Telebabad, ang Widows' Web.
Pinagbibidahan ito ng apat na mahuhusay na aktres ng GMA Network na sina Ashley Ortega (Jackie Sagrado), Pauline Mendoza (Elaine Innocencio), Vaness del Moral (Hillary Suarez), at Carmina Villarroel (Barbara Sagrado-Dee).
Magsisimula ang kuwento ng 'Widows' Web' sa misteryosong pagkamatay ni Alexander Sagrado III. Dahil dito, papasukin ni Elaine ang mundo ng mga Sagrado upang mapatunayan sa kanyang sarili na inosente ang kanyang fiance na si Frank Querubin (EA Guzman) at mahanap ang tunay na suspek.
Sa pagpasok nito sa Sagrado Foundation, makikilala ni Elaine ang tatlong babae na naging parte ng buhay ni Alexander: ang kapatid niyang si Barbara, ang asawa niyang si Jackie, at ang family friend at business colleague ni Jackie na si Hillary.
Kabilang din sa cast ng 'Widows' Web' sina Adrian Alandy, Christian Vasquez, Allan Paule, Tanya Gomez, Mike Agassi, Karenina Haniel, Mosang, Dave Bornea, Josh Morales, Arthur Solinap, Bernard Palanca, Neil Coleta, Anjay Anson, Vanessa Peña, at Ryan Eigenmann sa isang special guest role bilang Alexander Sagrado III.
Ang suspenseryeng ito ay ang unang proyekto ng batikang direktor na si Jerry Lopez Sineneng sa Kapuso Network.
Samantala, silipin ang behind-the-scenes sa lock-in taping ng 'Widows' Web' sa gallery na ito.
