Around GMA

Article Inside Page

Tumatak nang husto para sa Your Honor host na si Tuesday Vargas ang ni-reveal sa kanila ng multi-awarded comedienne Aiai Delas Alas.

Naging guest nina Tuesday at Buboy Villar ang comedy superstar noong December at may nakagugulat itong rebelasyon tungkol sa isang nakakapikon na artista na binaggit niya sa 'Executive Whisper' portion.

Sa panayam ng GMANetwork.com kay Madam Chair sa "More Tawa, More Saya: A GMA Comedy Show" nitong Linggo, January 26, inalala niya ang guesting ng kaniyang Ate Eileen.

“Kay Ate Eileen [Martina Eileen Hernandez delas Alas], kay Miss Aiai. Kasi, hindi ko inexpect mabait kasi 'yung sinabi niyang tao.

“So, nung sinabi niya 'yung tao, wow! Totoo ba?

“Alam mo naman, hindi lang sa showbiz lahat ng work may mga secret life ang mga tao. That's her experience, that's her truth and we respect that. Sa Your Honor medyo ganun kami, parang sabihin mo lahat, no holds bar.”

Bagamat dalawang buwan pa lamang ang kanilang vodcast ni Buboy Villar, tuwang-tuwa si Tuesday sa natatanggap nilang positive comments para sa kanilang tandem sa Your Honor.

Aniya, “Unexpected! Walang kahit sino sa amin sa prod nan aka-predict 'yung ganun 'yung reception ng mga tao.

“Especially, I like the fact na they are all rooting for me and Buboy. Kumbaga, na sa amin 'yung suporta ng mga tao. Kasi, it's a new format and we don't really know kung receptive ba 'yung tao sa tali-talinuhang palabas.”

“Pero we try as much as we can to balance comedy and 'yung sensibilities ng show , hindi niya ma-loose. So, thank you sobra!”

Ngayong Sabado, 8:00 pm, mapapanood naman sa Your Honor bilang resource person ng House of Honorables ang mahusay na stand-up comedian a si Alex Calleja!

Heto ang pasilip sa kulit session ni Alex sa Your Honor sa video below.