Mavy Legaspi at Kyline Alcantara, saksi sa pagmamahalan na nagsimula sa dating app
Around GMA
Around GMA
St. Luke's inhaler clinic opens to improve asthma, COPD patient care Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Nasubukan na kaya nina Mavy at Kyline ang gumamit ng dating app? Alamin ang sagot dito.
Hindi man nila nasubukan na gamitin ang iba't ibang online dating apps, saksi naman sina Mavy Legaspi at Kyline Alcantara sa pagmamahalan na nabuo dahil sa mga nasabing applications.
Bibida kasi sina Mavy at Kyline sa unang digital series ng GMA Public Affairs na Zero Kilometers Away na mapapanood na simula Biyernes, March 10, 6 p.m. sa GMA Network online platforms at GMA Public Affairs' YouTube channel and Facebook pages.
"Ako po, hindi ko pa po na-experience, but no judgment naman po sa mga naka-experience ng [online dating app]. I have a friend na naka-experience na po nun, and in fairness, naging magjowa naman po sila," pag-amin ni Kyline nang makausap ng GMANetwork.com at iba pang press.
"I mean, it's rare na mahanap mo 'yung true love mo through online dating, 'yun lang 'yung thoughts ko, but sa sarili kong experience, hindi pa po ako nag-online dating.
"And that's okay."
Katulad ni Kyline, may kaibigan rin si Mavy na nahanap ang tunay na pag-ibig sa tulong ng online dating apps.
Kuwento niya, "Ako rin, actually never ko na-experience 'yung online dating 'cause, I guess, I was lucky enough to experience the love-at-first-sight type of thing in my life."
"Pero based sa experience ng friends ko, there's one in particular din na parehas na parehas sila ni Gwen, hopeless romantic, and also, nape-pressure siya because 'yung surroundings niya, puro relationship, and single siya for the longest time. Trial and error, hindi nagwo-work."
Ang Gwen na tinutukoy ni Mavy ay ang karkater ni Kyline sa Zero Kilometers Away.
Pagpapatuloy niya, "But, he found his match, his perfect match through online dating, and to this day, they are very, very happy. Napaka-genuine nung romance nila.
"Totoo talaga siya, that's why I really believe that we can find something very authentic and very genuine and very romantic, even through online dating apps, and that's the beauty of love, because you can find love anywhere, whether it is in person or virtual, love is still in the air."
Sa Zero Kilometers Away, gagampanan nina Mavy at Kyline ang mag-best friend na sina Ardi at Gwen. Parehong ita-try nina Ardi at Gwen ang mundo ng online dating, ngunit paano kung ang kanilang hinahanap na true love ay Zero Kilometers Away lang?
Bukod sa kanila, mapapanood rin sa six-episode digital series na Zero Kilometers Away sina Kara David, Kuya Kim Atienza, Drew Arellano, Iya Arellano, Sparkle artists Caitlyn Stave, Raheel Bhyria, at Kaloy Tingcungco, at TikTok sensations na sina Rosmar Tan, Jerome Pamulaklakin, at Gigi Locsin.
Panoorin ang pilot episode ng Zero Kilometers Away sa Biyernes, March 10, 6 p.m. sa lahat ng online platforms ng GMA Network at sa Youtube Channel at Facebook Pages ng GMA Public Affairs.
NARITO ANG SWEET MOMENTS NINA MAVY AT KYLINE NOONG NAG-CELEBRATE SILA NG KANILANG FIRST ANNIVERSARY:
