Nalalapit na ang pinakabagong Lakorn action crime series tungkol sa paghihiganti at pagmamahal na 'Game of Outlaws.'
Isang krimen ang babago sa buhay ng magkapatid na sina Relisa at Jennifer ng patayin ng isang kriminal ang mga ama nilang parehong pulis officer.
Sa kagustuhan makaganti, papasok sila sa isang Special Investigation Centre kung saan itetrain sila ni Inspector Aaron na siya namang magugustuhan ni Relissa kahit pa ang kapatid nitong si Jennifer lang ang nakikita.
Isang sikreto naman ang bumabalot kay Aaron, dahilan para maging cold at malayo ang loob sa magkapatid, hanggang sa tuluyan na niyang nakita ang sarili na nahuhulog sa isa sa kanila.
Sa paghahanap ng katarungan nina Relisa, Jennifer at Aaron, matagpuan din kaya nila ang pagmamahal na hinahanap nila?
