Aired (April 25, 2026): #ReportersNotebook: “Walang Hanggang Pila”
Sa gitna ng patuloy na pagtaas ng presyo ng bilihin at krisis sa langis, dagsa ang mga tsuper at rider sa pila para sa ayuda—pero ang problema, hindi sila lahat napagbibigyan. Sa Quezon City naman, isang rider ang nasawi habang naghihintay ng fuel subsidy na inaasahan sana niyang makatutulong sa kanyang pamilya.
Samantala, hatinggabi pa lang, pumipila na ang ilang Pilipino sa Kadiwa Centers para makabili ng bigas na ₱20 kada kilo. Ang iba, natutulog na sa bangketa para lang makasigurong may maiuuwi. Sa gitna ng sinasabing sapat naman suplay ng bigas, bakit tila pahirapan pa rin ang pagkuha nito? At hanggang kailan magtitiis sa pila ang mga Pilipino?
Ang buong detalye, alamin sa video. #ReportersNotebook
