Inanunsyo na ni Pangulong Rodrigo Duterte nitong Biyernes na ang Philippine National Police officer-in-charge na si Police Lieutenant General Archie Gamboa ang magiging bagong hepe ng kapulisan.
"We have the PNP chief. I’m going to appoint you as the regular PNP. But you, Secretary Año and I will have a long, long talk first," sabi ni Duterte sa kaniyang talumpati sa Davao City.
“Pinakita mo sa akin yung sincerity mo and I’d like you to leave something that you will be remembered by the country," dagdag ng pangulo.
Nasa nasabing pagtitipon si Gamboa na sinaluduhan si Duterte nang gawin ang anunsiyo.
Oktubre nitong nakaraang taon nang italaga ni Duterte si Gamboa na officer-in-charge ng PNP matapos magbitiw sa kaniyang puwesto si PNP chief Director General Oscar Albayalde dahil sa kontrobersiya ng "ninja cops."
READ: Duterte admits difficulty in finding Albayalde’s successor
Dati nang sinabi ni Duterte nahihirapan siyang maghanap ng susunod na mamumuno sa kapulisan.—FRJ, GMA News
